भैरहवा, ८ चैत । जनमत पार्टीका अध्यक्ष डा. सीके राउत नेतृत्वको दलबाट लुम्बिनी प्रदेश सांसद सीता गुरुङका श्रीमान् कैलाश गुरुङ जनता समाजवादी पार्टी (जसपा) नेपालमा प्रवेश गरेका छन् ।

शनिबार भैरहवामा आयोजित विशेष कार्यक्रममा उपेन्द्र यादव नेतृत्वको जसपा नेपालमा कैलाश गुरुङले प्रवेश गरेका हुन् ।

गुरुङसँगै जनमत पार्टीका केन्द्रीय सदस्य निलम यादवसहित अन्य नेताहरूले पनि जसपा नेपालमा प्रवेश गरेका छन् । जसपा नेपालका महासचिव रामकुमार शर्माले विभिन्न दलका नेताहरूको सहभागितासँगै पार्टीको विस्तार भएको जानकारी दिएका छन् ।

नवप्रवेशी नेताहरूलाई जसपा अध्यक्ष उपेन्द्र यादवले स्वागत गर्दै पार्टीको उद्देश्य र आगामी रणनीतिमा सक्रिय हुन आह्वान गरेका छन् ।