पर्सा, ८ चैत । दिपेन्द्र रावतको उत्कृष्ट ब्याटिङ र बलिङ प्रदर्शनका कारण कर्णाली प्रदेशले प्रधानमन्त्री कप पुरुष राष्ट्रिय क्रिकेट प्रतियोगितामा चौथो जित निकाली फाइनलमा पुग्ने सम्भावना कायमै राखेको छ ।

शुक्रबार एकस्ट्राटेक ओभल मैदानमा भएको खेलमा कर्णाली प्रदेशले मधेश प्रदेशलाई ८१ रनको फराकिलो अन्तरले हराउँदै महत्वपूर्ण जित निकालेको हो ।

कर्णालीले २२१ रनको लक्ष्य दिएको मधेश प्रदेश ३५.२ ओभरमा १३९ रनमा अलआउट भयो । मधेशका लागि रुपेश सिंहले सर्वाधिक ३० रन बनाए भने विशाल पटेलले २५ रन बनाएका थिए । हरिशंकर साहले १८ र शैलेन्द्र साहले १० रन बनाएका थिए ।

कर्णालीका बलरहरूले उत्कृष्ट प्रदर्शन गर्दै मधेशलाई निर्धारित लक्ष्य पुरा गर्न अनुमति दिएनन् । कर्णालीका लागि दिनेश अधिकारीले १० ओभरमा ४१ रन दिएर ४ विकेट लिए भने दिपेन्द्र रावतले ३ विकेट लिए । प्रकाश जैसीले २ र सुनिल धमलाले १ विकेट लिएका थिए ।

यसअघि, कर्णालीले टस जितेर पहिले ब्याटिङ गर्दै ४९.१ ओभरमा अलआउट हुँदै २२० रन बनाएको थियो । कर्णालीको पारीमा दिपेन्द्र रावतले ६१ रन बनाए । अर्जुन घर्तीले २६, दिनेश अधिकारीले २४ र प्रकाश जैसीले १८ रन बनाए ।

मधेशका लागि रुपेश सिंह, रन्जित कुमार, हरिशंकर साह, कमल गुप्ता र अनिल साहले २÷२ विकेट लिए ।

यस जितसँगै कर्णाली प्रदेशले ७ खेलमा ८ अंक जोड्दै फाइनल पुग्ने सम्भावना कायमै राखेको छ । जबकि ६ खेलमा ४ अंक मात्र जोडेको मधेश प्रदेश फाइनल होडबाट बाहिरिसकेको छ ।