काठमाडौँ, ७ चैत । प्रधानमन्त्री केपी शर्मा ओलीले नेपाली युवाहरूलाई उद्यमशीलता र सृजनशीलता तर्फ प्रोत्साहन गर्न स्टार्टअप ऋण सहायता कार्यक्रमको घोषणा गरेका छन् ।

प्रतिनिधि सभा बैठकमा सांसदहरूको प्रश्नको जवाफ दिदै उनले यस वर्ष कम्तीमा ५ सय उद्यमीलाई सहुलियतपूर्ण कर्जा उपलब्ध गराइने घोषणा गरेका हुन् ।

उनले भने, ‘यस कार्यक्रममार्फत सरकार स्टार्टअपका आधारमा उद्यमशीलता प्रवद्र्धन गर्न चाहन्छ । यसको उद्देश्य युवाहरूको सृजनात्मकता र नवप्रवर्तनलाई बल पुर्याउनु हो ।’

प्रधानमन्त्री ओलीले भने, ‘सरकारले सहुलियत ब्याजदरमा कर्जा प्रदान गर्दै युवाहरूलाई उद्यम स्थापना गर्न प्रेरित गर्ने योजना बनाएको छ । यसले स्वदेशमै रोजगारीका अवसर सिर्जना गर्न मद्दत पुर्याउने छ ।’ उनले औद्योगिक क्षेत्रको विकास र लगानी आकर्षित गर्न सरकार कानुनी सुधार गर्दै रहेको जानकारी पनि दिए ।

युवाहरूलाई प्रोत्साहन दिनका लागि सरकारले व्यवसायमैत्री नीतिहरूलाई प्राथमिकता दिँदै आयात व्यवस्थापन र निर्यात प्रवद्र्धनमा जोड दिएको उल्लेख गरे । ओलीले भने, ‘रोजगारीका अवसरहरू सिर्जना गर्न र उद्योगको विकासमा योगदान पुर्याउन सरकार प्रतिबद्ध छ ।’