प्रधानमन्त्री कप क्रिकेटमा मधेशले कोशीलाई १६५ रनले हरायो

भैरहवा, २७ फागुन । प्रधानमन्त्री कप क्रिकेटमा मधेशले कोशीलाई शानदार १६५ रनले पराजित गर्दै उत्कृष्ट जित हासिल गरेको छ ।
मङ्गलबार सिद्धार्थनगरस्थित सिद्धार्थ क्रिकेट स्टेडियममा भएको खेलमा मधेशले २८५ रनको लक्ष्य राखेको कोशीलाई ३३ ओभरमा ११९ रनमा अलआउट गर्यो ।
कोशीको लागि शकिब हकले २५ रन र सुजन थपलियाले २४ रन बनाए । तर, अन्य ब्याट्सम्यानहरूले उत्कृष्ट प्रदर्शन गर्न सकेनन् ।
मधेशका बलर रुपेश सिंहले ५ विकेट लिँदै मुख्य भूमिका खेले । यसका अतिरिक्त राजेश यादवले ३ विकेट, हरिशङ्कर साह र प्रदीप पासवानले १–१ विकेट लिए ।
यसअघि, मधेशले पहिले ब्याटिङ गर्दै ६ विकेटको क्षतिमा २८४ रन बनाएको थियो । मधेशका लागि पवन सरार्फ, अनिल साह र दीपेश दासले उत्कृष्ट अर्धतकीय पारी खेले ।
पवन सरार्फले ८५ बलमा ११ चौका र २ छक्का प्रहार गर्दै ९२ रन बनाए भने अनिल साहले ७५ बलमा १० चौका प्रहार गर्दै ७५ रन बनाउँदा दीपेश दासले ५६ रन बनाए । उनले ६० बलमा ७ चौका र १ छक्का प्रहार गरे ।
कोशीका लागि विपिन महतो र प्रकाश केसीले २–२ विकेट लिए । जबकि फिर्दोश अन्सारी र दीपेश कँडेलले १–१ विकेट लिए । यस जितसँगै मधेशले प्रधानमन्त्री कप क्रिकेट प्रतियोगितामा उत्कृष्ट प्रदर्शन गर्न सफल भएको छ ।

