जनकपुरधाम, १७ फागुन । जनकपुरधाममा आजदेखि चौथो अन्तर स्कुल क्रिकेट प्रतियोगिता सुरु भएको छ ।

यो प्रतियोगिता न्यू भिजन नेपाल र जनकपुर स्पोट्र्स क्लबको संयुक्त आयोजनामा जनकपुरधामको बारहबिघा मैदानमा आयोजित गरिएको हो । प्रतियोगितामा १६ वटा क्रिकेट टोली सहभागिता जनाएका छन् ।

प्रतियोगिताको उद्घाटन जनकपुरधाम उपमहानगरपालिकाका नगर प्रमुख मनोज कुमार साहको प्रमुख आतिथ्यतामा भएको छ ।

प्रतियोगितामा १६ वटा विद्यालयका क्रिकेट टोलीले प्रतिस्पर्धा गर्नेछन् । प्रतियोगिताका संयोजक प्रशान्त अरविन्दले प्रतियोगितामा विभिन्न विद्यालयका प्रतिभाशाली क्रिकेट खेलाडीहरू सहभागी रहेको जानकारी दिए । यस प्रतियोगिताले क्षेत्रका युवाहरूमा क्रिकेटप्रति रुचि र उत्साह थप्ने अपेक्षाका साथ आयोजना गरिएको उनले बताए ।

प्रतियोगिता आयोजनामा न्यू भिजन नेपालका अध्यक्ष अम्भू प्रसाद साह र जनकपुर स्पोट्र्स क्लबले एकसाथ हातेमालो गरेका छन् । यस प्रतियोगिता मार्फत युवा खेलाडीहरूको क्षमता विकसीत गर्ने र क्रिकेटको लोकप्रियता क्षेत्रभर फैलाउने उद्देश्य राखिएको साहले बताए ।

प्रतियोगितासँगै जनकपुरधामका विद्यालयहरूमा क्रिकेटको महत्व र खेलाडीहरूको प्रोत्साहनमा थप योगदान पुर्याउने विश्वास गरिएको छ । जनकपुर स्पोट्र्स क्लबका संस्थापक तथा आयोजकले यस प्रकारका प्रतिस्पर्धाहरूलाई युवा खेलकुदको भविष्य बनाउनका लागि अत्यन्तै महत्वपूर्ण मानेका छन् ।

जनकपुरधाममा यो प्रतियोगिता युवा खेलाडीहरूको उत्साह र सामथ्र्यलाई उजागर गर्ने ठूलो अवसर बन्ने विश्वास लिइएको छ ।