जनकपुरधाम, १५ फागुन । जनकपुरधाममा चौथो अन्तर स्कुल क्रिकेट प्रतियोगिताको आयोजना गर्न लागिएको छ ।

न्यू भिजन नेपाल र जनकपुर स्पोर्ट्स क्लबको संयुक्त आयोजनामा जनकपुरधामको बारहबिघा मैदानमा फागुन १७ गते शनिबारदेखी अन्तर स्कूल क्रिकेट प्रतियोगिताको आयोजना गर्न लागिएको हो ।

प्रतियोगितामा सहभागी सम्पूर्ण १६ वटा क्रिकेट टीमका कप्तानसँग शुक्रबार भेटघाट कार्यक्रम तथा ट्रॉफी अनावरण कार्यक्रम हुन लागेको प्रतियोगिताका संयोजक प्रशान्त अरविन्दले बताए ।

न्यू भिजन नेपालका अध्यक्ष अम्भू प्रसाद साहले शुक्रबार बेलुका ४ बजे स्थानीय रंगभूमी मैदानमा ट्रॉफी अनावरण कार्यक्रम हुन लागेको जानकारी दिएका छन् ।