जनकपुरधाम, १५ माघ । सर्लाहीको लालबन्दी नगरपालिका–१५ स्थित चुरे पहाडमा मंगलबार दिउँसो बस दुर्घटना भएको छ ।

लालबन्दी बजारबाट सिन्धुलीको मरिण हुँदै छापतर्फ जाँदै गरेको बा २ ख ६४३३ नम्बरको काल्तान ट्राभल्सको बस बिपरित दिशाबाट आउँदै गरेको जन्ती बसलाई साइड दिने क्रममा चिप्लिएर खोल्सामा खसेको हो ।

यद्यपि, बस झाडीमा पल्टिए पनि कुनै मानविय क्षति भने नभएको प्रहरीले जनाएको छ । अस्थायी प्रहरी पोष्ट परवानीपुरबाट असई शम्भु चौधरीको नेतृत्वमा तीन जना र दुई जना ट्राफिक प्रहरीको टोली घटनास्थलतर्फ गएको छ ।

तर, सो क्षेत्रमा मोबाईल नेटवर्क नटिप्ने भएकोले प्रहरीसँग सम्पर्क हुन सकेको छैन । जन्ती बसको बारेमा भने हालसम्म कुनै जानकारी प्राप्त भएको छैन ।