सुनसरी, २६ पुष । सुनसरीको इटहरीमा भोली शनिबार दोस्रो तरुण दल खुल्ला दौड प्रतियोगिताको आयोजना हुन लागेको छ ।

नेपाल तरुण दल इटहरी उपमहानगरपालिका–७ नम्बर वडा कार्यसमितिको आयोजना र नेपाली कांग्रेस इटहरी–७ नम्बर वडा कार्यसमितिको सह–आयोजनामा प्रतियोगिता हुन लागेको हो ।

प्रतियोगिता बिहान ६ बजे इटहरी–७ को वडा कार्यालयबाट सुरु हुनेछ ।

कार्यक्रममा इटहरी उपमहानगरपालिकाका मेयर तथा नेपाली कांग्रेस इटहरीका नगर सभापति हेम कर्ण पौडेल प्रमुख अतिथिको रूपमा सहभागी हुनेछन् ।

स्वास्थ्य र उत्साहको प्रवद्र्धन गर्न दौड प्रतियोगिता आयोजना गर्न लागिएकोले सम्पूर्ण नगरवासीलाई सक्रिय रूपमा सहभागी हुन नेपाली कांग्रेस इटहरी–७ का उपसभापति जयनारायण चौधरीले अनुरोध गरेका छन् ।

स्वास्थ्यलाई प्राथमिकता दिने यो दौडले नगरवासीलाई स्वस्थ जीवनशैली अपनाउन प्रेरित गर्ने विश्वास लिइएको छ ।