जनकपुरधाम, ६ पुष । जनकपुर बोल्ट्सले नेपाल प्रिमियर लिग (एनपीएल) जितेपछि समर्थकहरुले खुसियाली मनाउन आज विजयी जुलुस निकालेका छन् ।

जनकपुर बोल्ट्सले एनपीएल जितेपछि खुसी साट्न सयौं समर्थकहरुले शनिबार जनकपुरधाममा विजयी जुलुस निकालेका हुन् ।

विययी जुलुसमा सहभागी बन्न जनकपुरधामलगायत आसपासका क्षेत्रहरुबाट जनकपुर बोल्ट्सका समर्थकहरु जनकपुरधाममा ओइरिएका थिए ।

विजयी र्याली चोक बजारको परिक्रमा गरि स्थानीय जानकी मन्दिरको प्राङ्गणमा भेला भएको थियो ।