जनकपुरधाम, १६ मंसिर । सिरहामा गाडीको ठक्करबाट सशस्त्र प्रहरीका एक सईको मृत्यु भएको छ ।

जिल्लाको बरियारपट्टी गाउँपालिका–१ कचनारी बोर्डर नजिक नम्बर नखुलेको गाडीले ठक्कर दिंदा सशस्त्र प्रहरीका सई लक्ष्मण यादवको मृत्यु भएको हो ।

गाडीको ठक्करबाट गम्भीर घाइते भएका यादवको आज बिहान उपचारको क्रममा प्रादेशिक अस्पताल लहानमा मृत्यु भएको जिल्ला प्रहरी कार्यालय सिरहाका प्रवक्ता प्रहरी नायव उपरिक्षक वीरेन्द्रकुमार पासवानले जानकारी दिए ।

बोर्डर नजिक चेकजाँचका लागि खटिएका यादवलाई ठक्कर दिएर सो गाडी भागेको उनले बताए । ठक्कर दिने गाडीको खोजी र घटना विषयमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।