जनकपुरधाम, २४ माघ । प्याबसन र एनप्याबसनले सरस्वती पूजाको नाममा छाडापन र विकृति बढेको भन्दै विद्यार्थीहरुलाई विद्यालयकै पोशाकमा उपस्थित गराउन निर्देशन दिएको छ ।

जनकपुरधामसहित प्याबसन एनप्यासनभित्र रहेका सदस्य विद्यालयहरुलाई सरस्वती पूजाको दिन आफ्नै विद्यालयको पोशाकमा उपस्थित हुनुपर्ने भनेर निर्देशन दिएको हो ।

पश्चिमी सँस्कृति भ्यालेन्टाइन डे (प्रेम दिवस) सोही दिन परेपछि हुन सक्ने उच्छृँगल गतिविधिलाई नियन्त्रणको लागि सो नियम लागू गर्न आदेश दिएको हो ।

धनुषामा विभिन्न स्कूल, कलेजका विद्यार्थीहरुलाई सरस्वती पूजाको दिन आफ्नै स्कूल वा कलेजको ड्रेसमा मात्र विद्यालय परिसर पूजा क्षेत्रभित्र प्रवेश गर्न दिने भएको छ ।