जनकपुरधाम, ११ माघ । लोकतान्त्रिक समाजवादी पार्टी नेपालका युवा नेता सुनिल कुमार श्रेष्ठ (सानु) ले जनकपुरधाम उपमहानगरपालिका भित्र रहेका समस्याहरु सार्वजनिक गर्न माग गरेका छन्।

जनकपुरधाममा फोहोरको व्यवस्थापन, अतिक्रमण र भ्रष्टाचारको नियन्त्रण गर्न उपमहानगरपालिकाको रोड म्याप वा योजना प्रष्ट गर्न उनले माग गरेका हुन् ।

उनले भने, ‘वडास्तरमा मौलाएको संस्थागत भ्रष्टाचारले सिर्जना गरेको जनपिडाको अन्त्य गर्न के कदम चालिएको छ त्यसको रोड म्याप वा योजना प्रष्ट पार्नु पर्दछ।’

जनता नगर प्रमुखप्रति अहिले पनि आशावादी रहेको उनले बताए । उपमहानगरका जनताले नगर प्रमुखसँग भिजन रहेको मात्र बुझ्न चाहेको उनले बताएका छन् ।