जनकपुरधाम, १७ पुस । जनकपुरधाममा माघ दोस्रो सातादेखि दोस्रो अन्तरविद्यालय टी–२० क्रिकेट प्रतियोगिता हुने भएको छ ।

जनकपुर स्पोर्टस् क्लव र नेपाल भिजनको आयोजनामा माघ १२ गतेदेखि बाह्रविघा मैदानमा प्रतियोगिता हुन लागेको हो ।
अन्तर्राष्ट्रिय मान्यता अनुसार प्रतियोगिताको आयोजना गरिने संयोजक अम्भुप्रसाद साहले जानकारी दिए । उनका अनुसार यस प्रतियोगितामा धनुषा जिल्लाको सरकारी तथा नीजि विद्यालयहरुको सहभागिता रहनेछ ।

स्थानिय स्तरबाट खेलाडी उत्पदान गर्ने उद्देश्यले प्रत्येक वर्ष प्रतियोगिता गराउन लागिएको उनले बताए । यसले खेल र खेलाडीको विकासमा मद्दत पुग्ने उनको विश्वास छ । प्रतियोगितामा उत्कृष्ट प्रर्दशन गर्ने खेलाडीहरुको टिम बनाएर नियमित अभ्यास खेल खेलाइने संयोजक साहले जानकारी दिए । यसअघि भएको प्रतियोगिताबाट छनोट भएका खेलाडीहरु नियमित अभ्यास गरिरहेका छन् ।

प्रतियोगिताको विजेतारउपविजेता टिमलाई आकर्षक ट्रफी प्रदान गरिने आयोजक संस्थाका अर्का प्रतिनिधि प्रसान्त झाले जानकारी दिए । उनका अनुसार म्यान अफ द सिरिज, इर्मजिङ्ग प्लेयर, बेस्ट बलररब्याटस् म्यान, बेस्ट किपर, बेस्ट फिलडर र म्यान अफ दी म्याच दिएर खेलाडीहरुलाई प्रोत्साहन गरिने छ ।

प्रतियोगिताको निर्देशक हिरा भगत छन् । उनी मधेश प्रदेश क्रिकेट संघका निर्वतमान अध्यक्षसमेत हुन् ।

गत वर्ष यस प्रतियोगिताको उपाधि गोगल प्रसाद उच्च माविले जितेको थियो । मंगलबार नै धनुषाको क्रिकेट टिम प्रधानमन्त्री कप छनोट प्रतियोगिता खेल्न पर्सा गएको छ । हरिशंकर साहको नेतृत्वमा गएको टिम पहिलो म्याच पर्सासँग खेल्नेछ ।
पछिल्लो समय जनकपुरधाममा पुनः खेल क्रेज बढ्दै गएको छ । नियमित प्रतियोगिता र अभ्यासहरु भइरहेका छन् । अभिभावकहरुको पनि रुची र लगानी बढेको देखिन्छ । तर, सरकारले संतोषजनक लगानी नगरेको युवाहरुको गुनासो छ ।