-धनवीर महताे
महाेत्तरी, १९ मंसिर । मंगलबार महोत्तरीको गाैशालामा आयाेजित प्रधानमन्त्री पुष्पकमल दाहाल प्रचण्ड सरिक भएको कार्यक्रममा समाचार संकलन गर्न पुगेका पत्रकारहरुलाई समाचार संकलनमा अवराेध गरिएको छ ।

मंगलवार नेकपा माओवादी केन्द्रले आयाेजना गरेकाे कार्यक्रमबाट उदघाेषकले नै माईकमार्फत घाेषणा गर्दै पत्रकारलाई निकालिएको हो ।

पार्टीको एक कार्यकर्ताका अनुसार पार्टीको आन्तरिक कार्यक्रम भएकोले पत्रकारलाई कार्यक्रमस्थलबाट निकालिएको हाे ।

यता, कार्यक्रमकाे भाषण ठुलाठुला माईकबाट प्रसारण भएपनि पत्रकारलाई देशका प्रधानमन्त्री सरिक भएकाे कार्यक्रमबाट निकाल्नु दु:खद रहेको प्रेस सेन्टरका सप्तरी अध्यक्ष देवराम यादवले बताए ।

तीन महिने अभियानमार्फत संकलन गरिएको विषयवस्तु सुन्न र बुझ्नका लागि पत्रकारलाई आमन्त्रित गर्नु र कार्यक्रममा पुग्दा निकाल्नु दु:खद रहेकाे यादवको भनाइ छ।