-मुकेश झा
सर्लाही, मंसिर ११ गते । सर्लाही स्थानिय चुनाव २०७९ सम्पन्न भए लगतै विभिन्न समस्याको कारण विवादित बनेको हरिपूर्वा नगरपालिका अहिले पुनः नया समस्याले जुद्धदै छ ।

आर्थिक बर्ष २०८०।०८१ को शुरुवात भए सगैं हरिपूर्वा नगरपालिकामा कार्यरत विभिन्न शाखाका कर्मचारी तलव भत्ता खान नसकेपछि नगरपालिकाका १६ वटा सामुदायिक विद्यालयमा कार्यरत एक सय भन्दा बढि शिक्षक पठन पाठन बन्द गरि नगरपालिकामा बिगत ६ दिन देखि निरन्तर धर्नामा बसेको छ ।

विद्यालय बन्द भएपछि करिब ५ हजार बालबालिकाको शिक्षा पुर्णरुपले बन्द हुदाँ शिक्षा क्षेत्र नै प्रभावित भएको छ ।देशै व्यापी शिक्षक आन्दोलनको बेला छुटेको कक्षा पुरा नहुदै विद्यालय अनिश्चित समयको लागी पुनः बन्द भएपछि बालबालिका यस बर्ष हुने एसइइको लागी चिन्तित भएको केश्वर गरिब जनता माबिमा अध्ययनरत केशव यादवले बताएको छ ।

हरिपूर्वा नगरपालिकामा विगत ८ महिना देखि प्रमुख प्रशासकिय अधिकृतको पद विहिन रहेको कारण नगरपालिकाले आ।व २०८०।०८१ को लागी निति तथा बजेट कार्यक्रम गर्न नसकेको अवस्थामा अहिले केहि दिन मै तलव भत्ता खुवाउन गाह«ो रहेको नगर प्रमुख विनोद कुमार साहले बताएको छ ।

आ– आफ्नो काममा फर्किन आग्रह गरिदै मेयर साहले प्रमुख प्रशासकिय अधिकृत हजिर भएको १५ दिन भित्र मा नै नगरसभा गरि सबै भन्दा पहिलो प्रथमिक्ता तलबलाई नै दिने प्रतिबद्धता आन्दोलित शिक्षक समक्ष गर्नुभएको छ ।

यता आन्दोलित शिक्षक गंगाराम यादवका अनुसार हामीले कुनै बजेट मागेको हैन आफैले कमाएको र नेपाल सरकारले उप्लब्ध गराएको तलब चाहिएको छ । यसका लागी हरिपूर्वा नगरपालिकामा नै कार्यरत अधिकृत सरहको कर्मचारीलाई निमित्त तोकेर पनि समस्या समाधान गराउनु प¥यो । हाम्रो एक सुत्रिय माग छ हामीले समयमा तलव पाउनु प¥यो तलव भत्ता न उप्लब्ध हुनजेल सम्म धर्ना जारी रहने यादवले बताए ।