एजेन्सी, २८ कार्तिक । उत्तर प्रदेशको मथुरा जिल्लाको राया क्षेत्रस्थित पटाका बजारमा दीपावलीका दिन भएको आगलागीमा परी घाइते भएका दुई दाजुभाइको मृत्यु भएको छ । घटनामा घाइते भएका अन्य ११ जनाको अवस्था अझै चिन्ताजनक रहेको बताइएको छ ।

बीबीसी हिन्दीका अनुसार दीपावलीका दिन थाना राय क्षेत्रको पटाका बजारमा अचानक आगलागी हुँदा यो दुर्घटना भएको हो । धेरै पसल खरानीमा परिणत भएका छन् ।

उक्त दुर्घटनामा पटाका पसल खोलिरहेका १३ जना नराम्ररी जलेका छन् । यी दुई दाजुभाइ तिनैमध्ये थिए ।

ठाकुरदास नामका दाइलाई दिल्लीको सफदरजंग अस्पतालमा भर्ना गरिएको थियो भने अर्का भाइ सुशीललाई एसएन मेडिकल कलेज, आगरामा उपचाररत थए । तर उपचारका क्रममा सोमबार राति उनीहरूको मृत्यु भएको हो । यी दुवै दाजुभाइ हातरसको मुर्सानवासी थिए ।