काठमाडौं, २३ असार । नेपाल विगत तीन महिनाको अवधिमा ६ हजार ४२० वटा सवारी दुर्घटना भएका छन् । गएको चैत १५ गतेदेखि अहिलेसम्म सो संख्यामा सवारी दुर्घटना भएका छन् ।

प्रहरी प्रधान कार्यालयका अनुसार ती दुर्घटनामा परेर ५८१ जनाको मृत्यु भएको छ भने १ हजार ७२१ जना गम्भीर घाइते भएका छन् ।

सवारी सम्बन्धमा ७ लाख ३६ हजार जनालाई कारबाही गरिएको छ । कारबाहीबापत ५६ करोड ४६ लाख राजस्व संकलन गरिएको नेपाल प्रहरीले जनाएको छ ।

उक्त अवधिमा १ अर्ब ५९ करोड ६२ लाखको अवैध सामान बरामद गरिएको छ ।