महोत्तरी, २३ असार । महोत्तरीमा सवारी दुर्घटनामा परेर एक युवककोे मृत्यु भएको छ । मृत्यु हुनेमा गौशाला नगरपालिका–१२ बस्ने ३५ वर्षीय प्रदीप महतो रहेका छन् ।

बर्दिबासबाट दक्षिणतर्फ जाँदै गरेको ज १ त १६५५ नम्बरको ट्याक्टरलाई सोही दिशातर्फ जाँदै गरेको प्रदेश २–०२–००२ प ६४११ नम्बरको मोटरसाइकलले औरही नगरपालिका–७ भोइल गाउँ नजिकै ओभरटेक गर्न खोज्दा दुर्घटना भएको प्रहरीले जनाएको छ ।

उपचारका क्रममा महतोको मृत्यु भएको जिल्ला प्रहरी कर्याालय महोत्तरीका प्रवक्ता प्रहरी नायव उपरीक्षक दिलीप गिरीले जानकारी दिए ।

ट्याक्टरसहित चालक धनेश्वर मण्डललाई प्रहरीले नियन्त्रणमा लिई अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।