हेटौंडा, १५ असार । हेटौंडामा यात्रुवाहक बस दुर्घटना हुँदा ४९ जना घाइते भएका छन् ।

शुक्रबार दिउँसो करिब २ बजे चितवनबाट जनकपुरधाम आउँँदै गरेको ना. ६ ख ९८०४ नम्बरको बस हेटौंडा उपमहानगरपालिका–११ नवलपुरमा दुर्घटनामा परेको हो ।

दुर्घटनामा घाइतेको जिल्ला प्रहरी कार्यालय मकवानपुरले उद्धार गरी हेटौंडा अस्पताल र चुरेहिल अस्पताल पठाइएको जिल्ला प्रहरी कार्यालय मकवानपुरले जनाएको छ ।

घाइतेमध्ये २७ जनाको हेटौंडा अस्पतालमा उपचार भइरहेको छ भने बाँकीको चुरेहिल अस्पतालमा उपचार भइरहेको प्रहरीले जनाएको छ ।

बस अनियन्त्रित भएर सडकबाट तल खसेको प्रमुख प्रहरी उपरीक्षक वामदेव गौतमले जानकारी दिए । उनका अनुसार घाइतेमध्ये केहीको अवस्था गम्भीर छ ।