जनकपुरधाम, १५ असार । मधेस प्रदेशमा छुट्टाछुट्टै सवारी दुर्घटनामा परेर दुईजनाको मृत्यु भएको छ ।

सप्तरीको तिरहुत गाउँपालिका–५ मैनाकडेरीस्थित सडकमा स ७ प ७७५७ नम्बरको मोटरसाइकलको ठक्करबाट साईकलयात्री स्थानीय मोहम्मद मजिदका १६ वर्षीय छोरा मोहम्मद महताजको मृत्यु भएको हो ।

ठक्करबाट गम्भीर घाइते भएका उनको प्राथमिक स्वास्थ्य केन्द्र कञ्चनपुरमा उपचारको क्रममा मृत्यु भएको प्रहरीले जनाएको छ
उता, महोत्तरीको सम्सी गाउँपालिका–४ गैढा चोकस्थित सडकमा नम्बर नखुलेको सवारी साधनको ठक्करबाट पैदलयात्री मनरासिस्वा नगरपालिका–४ साँढा बस्ने ४५ वर्षीय शैलेन्द्रको मृत्यु भएको छ ।

ठक्करबाट गम्भीर घाइते भएका उनको प्रादेशिक अस्पताल जलेश्वर हुँदै प्रादेशिक अस्पताल जनकपुरमा थप उपचारको क्रममा मृत्यु भएको बताइएको छ ।

यस सम्बन्धमा थप अनुसन्धान भइरहेको प्रहरीले जनाएको छ ।