एजेन्सी, २० जेठ । भारतको उडिसामा शुक्रबार साँझ भएको रेल दुर्घटनामा परी मृत्यु हुनेको संख्या २८८ पुगेको छ । टाइम्स अफ इन्डियाका अनुसार ८०३ जना घाइते भएका छन् ।

सो रेल दुर्घटना भारतमा २० वर्षयताको सबैभन्दा घातक रेल दुर्घटना हो । ओडिसा राज्यको राजधानी भुवनेश्वरबाट करिब १७१ किलोमिटर उत्तरपूर्वमा पर्ने बालासोर जिल्लाको बहानागा बजार स्टेसन नजिकै सो दुर्घटना भएको थियो ।

दुर्घटनामा घाइते भएका यात्रुलाई गोपालपुर, खाँटापारा, बालासोर, भद्रक र सोरोका अस्पतालमा राखिएको छ । उक्त दुर्घटनाका कारण रेलमार्गमा सेवा अवरुद्ध भएको छ ।