एजेन्सी, २५ बैशाख । भारतको केरलामा पर्यटक सवार डुंगा दुर्घटना हुँदा ठूलो मानवीय क्षति भएको छ ।

मलमपुरम जिल्लाको तानुर इलाकामा थुवलथिरम समुद्री तट नजिक आइतबार राति डुंगा दुर्घटना दुर्घटना हुँदा २१ जनाको मृत्यु भएको हो ।

सो डुंगामा ४० जना सवार थिए । मृत्यु हुनेमा धेरैजसो बालबालिका रहेका छन् । केरला राज्यका एकजना मन्त्री वी अब्दुराहमानका अनुसार छुट्टीमा घुम्न आएका दुर्घटनामा परेको र दुर्घटनास्थलबाट २१ वटा शव बाहिर निकालिएको छ ।

दुर्घटनास्थलमा खोज तथा उद्धार कार्य जारी रहेको छ । प्रधानमन्त्री नरेन्द्र मोदीले घटनाप्रति दुःख व्यक्त गरेका छन् ।