एजेन्सी, २३ बैशाख । भारतको महाराष्ट्रस्थित पुणेको वाघोली क्षेत्रमा सजावट सामग्रीको गोदाममा भएको भीषण आगलागीमा ३ जनाको मृत्यु भएको छ । आगो तत्कालै दमकलको सहायताले नियन्त्रणमा लिइएको थियो ।

‘पुणेको वाघोली क्षेत्रमा शुक्रबार राति सजावट सामग्रीको गोदाममा आगलागी हुँदा ३ जनाको मृत्यु भएको भएको र आगो तुरुन्तै नियन्त्रणमा ल्याइएको थियो’, अधिकारीले भनेका छन् ।

आगलागीको कारण भने खुल्न सकेको छैन । यसबारे अनुसन्धान जारी छ ।