एजेन्सी, १४ बैशाख । अघिल्ला दुई दिनको तुलनामा भारतमा कोरोनाका बिरामी घटेका छन् । बुधबारको तुलनामा बिहीबार कोभिडका बिरामी घटेको केन्द्रीय परिवारस्वास्थ्य मन्त्रालयले जनाएको छ ।

मन्त्रालयका अनुसार बुधबार ९ हजार ६२९ जनामा सङ्क्रमण पुष्टि भएको थियोभने बिहीबार ९ हजार ३५५ जना सङ्क्रमण भएको प्रयोगशाला परीक्षणबाट प्रमाणित भएको छ । यो सङ्क्रामक रोगबाट बिहीबार २६ जनाले ज्यान गुमाएका छन् ।

त्यसअघि मंगलबार ६ हजार ९३४ जना सङ्क्रमित थपिएका थिएभने सोमबार ६ हजार ३ सय जना बिरामी फेला परेका थिए ।

हाल भारतमा ५७ हजार ४१० जना सक्रिय सङ्क्रमित छन् भने ४ करोड ४३ लाख ३५ हजार ९७७ जनाले कोरोनाबाट पूर्ण स्वास्थ्यलाभ गरेको उक्त मन्त्रालयले जनाएको छ ।