मध्य म्यान्मारमा आएको आँधीमा परी ६ जनाको मृत्यु

एजेन्सी, ९ बैशाख । मध्य म्यान्मारमा आएको आँधीमा परी ६ जनाको मृत्यु भएको छ भने एक सय जनाभन्दा बढी घाइते भएका छन् ।
म्यान्मा फायर सर्भिस विभागले आँधीमा परी १०९ जना घाइते भएका जनाएको छ ।
हुरीका कारण ६ जनाको घटनास्थलमै ज्यान गएको तथा घाइतेमध्ये १६ जनाको अवस्था गम्भीर रहेको स्थानीय प्रहरीले जनाएको छ ।
आँधीमा परी दुई पुरुष र चार महिलाले ज्यान गुमाएका हुन् । आँधीले दुई सयभन्दा बढी घर क्षतिग्रस्त भएका छन् ।
घाइतेहरूको स्थानीय अस्पतालहरूमा उपचार भइरहेको छ ।

