काठमाडौं, २४ कार्तिक । नेपाली लोकदोहोरी कलाकार बबिता बानियाँ ‘जेरी’ र शंकर क्षेत्रीबीच सम्बन्धविच्छेद भएको छ । बिहीबार काठमाडौं जिल्ला अदालत पुगेर उनीहरूले सम्बन्ध टुंग्याएका हुन् ।

बबिता र शंकर तीन वर्षअघि वैवाहिक बन्धनमा बाँधिएका थिए । लामो समयको प्रेमलाई विवाहमा परिणत गरेका उनीहरूको सम्बन्ध लामो समय टिक्न भने सकेन । उनीहरूको एक छोरी छिन् । छोरी आफ्नो निर्णय गर्न नसक्ने उमेरसम्म आमासँगै बस्नेछिन् ।

फेसबुकमा स्टाटस लेख्दै जेरी आफूहरू बिहीबारदेखि अलग भएको बताएकी छन् । उनले लेखेकी छन्, ‘दोष भाग्यलाई दिउँ कि परिस्थितिलाई ? मुटु जोगाउनकै लागि मुटुमा बसेको मान्छे हटाउनुप¥यो समयले । तिमीले दिएका हर आँसुको थोपालाई मोती बनाउने कोसिस गर्नेछु । आजबाट अलग भयौँ ।’