काठमाडौं, २३ कार्तिक । फिल्म ‘पासो’ अगामी मंसिर १६ गतेबाट प्रदर्शनमा आउने भएको छ । निर्माण संस्था बी.आर इन्टरटेन्मेन्ट प्रा.लीले फिल्मको एक पोष्टरसहित प्रदर्शन मिति सार्वजनिक गरेको हो ।

आर.बी पुनको लेखन तथा निर्देशन रहेको फिल्म भगवान भुजेलले निर्माण गरेका हुन् । बसन्त घिमिरे, अनु मुस्कान, अनुराग ढुंगाना, सरस्वती गुरुङ सह–निर्माता रहेको फिल्ममा रीस्ता बस्नेत, सुनिशा बजगाई, रामकुमार बास्ताकोटी, प्रतीक दुलाल र प्रनव आकाशको अभिनय रहेको छ ।

कन्टेन्ट थ्रिलर जनरामा निर्माण भएको यो फिल्मको कथा दुई अत्यन्त मिल्ने साथीले एक अज्ञात अपराधिक समुहको अपहरमा परेपछि बाँच्नका लागि गर्ने संघर्ष रहेको निर्माण युनिटले बताएको छ ।

फिल्मको आम्दानीको १५ प्रतिशत रकम धादिङमा निर्माण हुन गइरहेको ‘जीवन विज्ञान’ धाम निर्माणार्थ प्रदान गरिने जानकारी निर्माता भगवान भुजेलले बताए । रिच इन्टरटेन्मेन्टले काठमाडौंमा र एफडी कम्पनीले फिल्म मोफसलमा वितरण गर्नेछ ।