एजेन्सी, १८ कार्तिक । सोनाक्षी सिन्हा आजभोलि आफ्नो फिल्म ‘डबल एक्सएल’का कारण चर्चामा छन् । यो फिल्ममा सोनाक्षीका साथ हुमा कुरैशी लिड रोलमा छन् ।

उनी आजभोलि निकै धेरै यो फिल्मको प्रमोसनमा पनि लागेकी छन् । आजभोलि सोनाक्षीको फिल्मको चर्चामा जोडिने अभिनेताको नाम हो, सलमान खान । हुन पनि बलिउडमा सोनाक्षीले सलमानसँगको फिल्मबाटै डेब्यू गरेकी थिइन् ।

एक अन्तर्वार्तामा सोनाक्षीले सलमानसँग डेब्यू गर्दा आफ्नो करिअर छोटो हुनसक्ने आशंका गरेको र यो कुरा मानिसहरुले आफूलाई भनेको पनि बताएकी छन् । ‘तर, मैले काममा फोकस गरेँ, अरुका कुरा सुनिनँ,’ उनले भनेकी छन् ।