काठमाडौं, १५ कार्तिक । अनमोल केसी मुख्य भूमिकामा रहेको चलचित्र ‘छड्के–२’ को प्रदर्शन मिति तय भएको छ ।

निर्माताले मंगलबार पोस्टर सार्वजनिक गर्दै १९ फागुनमा प्रदर्शन मिति तय गरेका हुन् ।

पोस्टरमा अनमोलसहित अमेरिकी कलाकार तथा निर्देशक इयान क्लेमर्टलाई देख्न सकिन्छ । निगम श्रेष्ठको लेखन तथा निर्देशन रहेको फिल्ममा रविन तामाङ, कमलमणि नेपाल, सिर्जना सुब्बा मुख्य भूमिकामा छन् ।

डेब्यु गर्ल रेशा आले मगर अनमोलको अपोजिटमा हुनेछिन् । फिल्मलाई ६० दिनको सेड्युलमा चितवन र मुस्ताङमा छायांकन गरिएको थियो ।