काठमाडौं, १३ कार्तिक । नेपाली चलचित्र ‘महापुरुष’ले घरेलु बक्स अफिसमा राम्रो कमाइ गरिरहेको छ । चलचित्रले दुई दिनमा २ करोड ५० लाख कमाएको लेखक तथा निर्देशक प्रदीप भट्टराईले जानकारी दिए ।

‘फिल्मले दुई दिनमा २ करोड ५० लाख कमाएको छ । यसको वर्ल्ड अफ माउथमा अझ राम्रो कमाइ भइरहेको छ । हाम्रो लागि त्यो एकदमै ठूलो कुरा हो,’ उनले भने ।

फिल्मले शुक्रबार १ करोडमा ओपनिङ गरेको थियो भने शनिबार १ करोड ५० लाख कमाएको हो । फिल्म प्रदर्शन भएको दिनबाटै हाउसफुल भइरहेको छ ।