काठमाडौं, ९ कार्तिक । अभिनेत्री प्रियंका कार्कीको घरमा चोरी भएको छ । ललितपुरको भैंसेपाटीस्थित महतो मार्गमा रहेको उनको घरमा सोमबार राति चोरी भएको हो ।

चोरले उनको घरबाट नगद ३० हजार रुपैयाँ, विभिन्न गरगहना ५ लाख ५० हजार रुपैयाँ बराबरको गरी करिब ५ लाख ८० हजार रुपैयाँ बराबरको धनमाल चोरी गरेको प्रहरीले जनाएको छ ।

जिल्ला प्रहरी परिसर ललितपुरका प्रवक्ता एसपी सुधीरराज शाहीका अनुसार बेलुका लक्ष्मी पूजा गरिसकेपछि घरमा कोही नभएको मौका छोपी चोरी भएको हो ।

चारको विषय अनुसन्धान लगभग सकिन लागेकोले चोर छिट्टै पत्ता लाग्ने एसपी शाहीको भनाइ छ ।