काठमाडौं, २ कार्तिक । गत असोज २१ बाट रिलिज भएको फिल्म ‘२ नम्बरी’ ले बक्स अफिसमा राम्रो व्यवसाय गरिरहेको छ । यो फिल्म शुक्रबारदेखि नयाँ भर्सनमा हेर्न मिल्ने भएको छ ।

निर्माण युनिटले २ घण्टा ७ मिनेटको फिल्मलाई ५ मिनेट भन्दा बढी काँटछाँट गरेको फेरि रिलिज गर्न लागेको हो । निर्माता नेपालीले फिल्मको साउन्ड र सिन समेत काँटछाँट गरेर नयाँ भर्सनमा ल्याउन लागेको जानकारी दिए ।

अहिलेसम्मको प्रदर्शनबाट नाफामा गैसकेका फिल्मको तिहारमा समेत राम्रो ब्यवसाय गराउन निर्माण युनिटले नयाँ तरिकाबाट फिल्म ल्याउन लागेको हो । दीपेन्द्र लामाको निर्देशनमा तयार भएको यो फिल्ममा दयाहाङ राई, सौगात मल्ल, उपासनासिंह ठकुरी, उगेन छोदेन, बुद्धि तामाङको मुख्य भूमिका छ ।

काँटछाँटपछि फिल्म दर्शकले अझै रुचाउने विश्वास रहेको निर्माता नेपालीले बताए ।