काठमाडौं, ३१ असोज । झरना थापाको निर्देशन रहने फिल्म ‘भागवत गीता’ को नाम परिवर्तन हुने भएको छ ।

फिल्मको नाम ‘भागवत गीता’ को राखिएको बिषयमा चलचित्र विकास बोर्डमा उजुरी परेपछि फिल्मको नाम परिवर्तन गर्न लागिएको निर्माण युनिटले जनाएको छ ।

सुनिलकुमार थापाको निर्माण रहने फिल्मको छायांकन मंसिर ९ गतेबाट सुरु हुनेछ । फिल्मको छायांकन गत साउनबाट सुरु हुने बताइए पनि निर्माता सुनिलकुमार थापा बिरामी भएका कारणले छायांकनमा ढिलाई भएको हो ।

फिल्म विसं २०८० सालको वैशाख १ गते रिलिज हुनेछ । सुहाना थापाको मुख्य भुमिका रहने फिल्मका नायक भने छनौट हुन बाँकी रहेको छ । फिल्मको छायांकन जनकपुरधाम र दार्चुलामा हुने निर्माण युनिटले जानकारी दिएको छ ।