जनकपुरधाम, १८ फागुन । सर्लाहीमा मोटरसाइकल दुर्घटनामा परी दुई युवकको मृत्यु भएको छ ।

मृत्यु हुनेहरुमा महोत्तरीको औरही नगरपालिका–१ बस्ने ३२ बर्षीय चन्दनकुमार साह र सर्लाहीको कविलासी नगरपालिका–२ पिपरिया बस्ने २५ बर्षीय रामविश्वास मण्डल रहेका छन् ।

जिल्लाको गौरीशंकरबाट बयलबासतर्फ जाँदै गरेको ज ११ प ८९४५ नम्बरको मोटरसाइकल आफैं अनियन्त्रित भई ईश्वरपुर नगरपालिका–१३ स्थित अमुवा खोलाको पुलबाट ५ मिटर तल खसेर दुर्घटना भएको प्रहरीले जनाएको छ ।

पुलको दाहिने साइडमा ठक्कर दिएर पुलबाट ५ मिटर तल खस्दा मोटरसाइकल चालक साह र पछाडि सवार मण्डलको घटनास्थलमै मृत्यु भएको भएको प्रहरी निरीक्षक जटाशंकर यादवले जानकारी दिए ।

मृतकद्वयको शवलाई पोस्टमार्टमका लागि अस्पताल पठाईएको प्रहरीले जनाएको छ ।