बारा, १८ फागुन । बारामा मोटरसाइकलको ठक्करबाट एक वृद्धाको मृत्यु भएको छ ।

मृत्यु हुनेमा बाराको कोल्हबी नगरपालिका–६ अधन्वा बस्ने ८३ वर्षीया भोलिया देवी थरुनी रहेको प्रहरीले जनाएको छ ।

मंगलबार साँझ उनी पैदल गईरहेको बेलामा ना ६४ प ७२४ नम्बरको मोटरसाइकलले पछाडीबाट ठक्कर दिएको थियो ।

उनको उपचारको क्रममा वीरगञ्जस्थित सुर्या अस्पतालमा मृत्यु भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।

ठक्कर दिने मोटरसाइकल भोलिया देवीको घरमा रहेको र मोटरसाइकल चालक बारा कोल्हबी नगरपालिका–८ का २५ वर्षीय बशिष्ठ चौधरी वडा प्रहरी कार्यालय विर्ता, वीरगञ्जको नियन्त्रणमा रहेको प्रहरीले जनाएको छ ।