काठमाडौं, ११ फागुन । अभिनेता पल शाहविरुद्ध जिल्ला प्रहरी कार्यालय तनहुँमा बलात्कारको आरोपमा उजुरी परेको छ ।

पलविरुद्ध जबरजस्ती करणी मुद्दामा उजुरी परेको प्रहरी स्रोतले जनाएको छ ।

गायिका समीक्षा अधिकारीले पलविरुद्ध विवाह गर्छु भन्दै फकाएर जबरजस्ती यौन सम्बन्ध राखेको भन्दै उजुरी दिएकी हुन् । समीक्षाले दिदी–भिनाजूसहित जिल्ला प्रहरी कार्यालय तनहुँ पुगेर उजुरी दिएको बताइएको छ ।

पल र समीक्षाको सम्बन्धबारे केही दिनदेखि गसिप भइरहेको छ । समीक्षाले पलसँगको सम्बन्धका बारेमा सञ्चारमाध्यममा बोलेकी थिइन् । उनले आफूहरूबीचको सम्बन्धका बारेमा बाहिर नबोल्न पलले सहयोगी लगाएर तर्साएर दाबी गरेकी थिइन् ।

त्यसपछि पलले पनि आफ्नै प्रतिस्पर्धीले समीक्षालाई उक्साएको टिप्पणी गरेका थिए । उनले सामाजिक सञ्जाल फेसबुकमा लामो नेट लेख्दै समीक्षालाई आफूहरूसँग सबुद प्रमाण रहेको बताएका थिए ।