पर्सा, ७ फागुन । पर्सामा ट्याक्टरको ठक्करबाट एक युवकको मृत्यु भएको छ भने तीनजना घाइते भएका छन् ।

मृत्यु हुनेमा जिल्लाको सखुवाप्रसौनी गाउँपालिका–६ बस्ने ३५ वर्षीय राजेश राउत कंकर रहेको प्रहरीले जनाएको छ ।

दुर्घटनामा परी ६१ वर्षीय सकलदेव राउत कंकर, १८ वर्षीय रञ्जन साह तेली र मकवानपुरको हेटौंडा बस्ने अन्दाजी २४ वर्षीय राजकुमार तामाङ घाइते भएका छन् ।

उनीहरुको हात, खुट्टा र टाउकोमा चोट लागेको छ । तीनै जनाको नारायणी अस्पताल वीरगञ्जमा उपचार भईरहेको जिल्ला प्रहरी कार्यालय पर्साले जनाएको छ ।