रौतहटमा ट्याक्टरको ठक्करबाट मोटरसाइकलमा सवार एकजनाको मृत्यु

रौतहट, ६ फागुन । रौतहटमा ट्याक्टरको ठक्करबाट मोटरसाइकलमा सवार एकजनाको मृत्यु भएको छ ।
जिल्लाको दुर्गा भगवती गाँउपालिका–२ कर्बोलमा भएको सवारी दुर्घटनामा परी एकजनाको मृत्यु भएको रौतहट प्रहरीले जनाएको छ ।
पिप्राबाट सुकदेवचोकतर्फ जाँदै गरेको ना २ त ८६०५ नम्बरको ट्रयाक्टरले बिपरित दिशाबाट आउँदै गरेको भारतीय नम्बरको मोटरसाईकललाई ठक्कर दिएको थियो ।
दुर्घटनामा गम्भीर घाइते भएका मोटरसाईकल चालकको उपचारको क्रममा जिल्ला सरकारी अस्पताल गौरमा मृत्यु भएको हो ।
मृतकको अहिले सनाखत हुन सकेको छैन् ।
दुर्घटना पश्चात ट्याक्टर चालक भने फरार भएका छन् । उनको खोजी भइरहेको ईलाका प्रहरी कार्यालय गंगापिपराले जनाएको छ ।

