एजेन्सी, ५ फागुन । भारतीय गायक तथा संगीतकार बप्पी लहरीको अचानक निधन भएपछि भारतीय बलिउड क्षेत्र स्तब्ध छ ।

मंगलबार राति बप्पीको स्वास्थ्यमा अचानक समस्या आएपछि उनलाई अस्पताल लगिएको थियो । तर, अस्पतालमा उनको निधन भयो, उनलाई बचाउन सकिएन ।

अब उनका ज्वाइँ गोविन्द बन्सलले १५ फ्रेबुअरीमा बप्पीलाई के भएको थियो भन्नेबारे जानकारी दिएका छन् ।

अस्पतालमा केही दिन पहिले नै भर्ना भएका थिए, बप्पी । अनि घर फर्किएका थिए । तर, निधन भएको रात उनको अवस्था फेरि बिग्रिएको थियो ।

उनले खाना खाएपछि आफूलाई अप्ठ्यारो भएको बताएका थिए ।

उनलाई लामो समय देखि अब्स्ट्रक्टिभ स्लिप एनेमिया भएको थियो । गत वर्ष उनलाई कोरोनाभाइरस संक्रमण पनि भएको थियो ।

मृत्युको रात बप्पीको मुटु निकै कमजोर भएको उनका ज्वाइँ गोविन्दले बताएका छन् । डिनरको आधा घन्टापछि उनलाई हृदयघात भएको जानकारी पनि उनले दिएका छन् ।