महोत्तरी, ५ फागुन । महोत्तरीमा एम्बुलेन्सको ठक्करबाट एक युवकको मृत्यु भएको छ ।

मृत्यु हुनेमा जिल्लाको गौशाला नगरपालिका–११ बस्ने ३५ वर्षीय तेजलाल महतो रहेको प्रहरीले जनाएको छ ।

गौशाला नगरपालिका–१ रामनगरस्थित एभरेष्ट सुगर एण्ड केमिकल इण्डष्ट्रिजमा काम गरेर घर फर्किने क्रममा बुधबार राति ९ बजे स १ च १३९३ नम्बरको एम्वुलेन्सले उनी सवार साइकललाई ठक्कर दिएको थियो ।

ठक्करबाट गम्भीर घाइते महतोलाई उपचारका लागि जनकपुरधाम ल्याउने क्रममा बाटोमै उनको मृत्यु भएको जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक प्रकाश विष्टले जानकारी दिए ।

मृतक महतोको शव पोस्टमार्टमका लागि प्रादेशिक अस्पताल जनकपुरधाममा राखिएको डिएसपी विष्टले बताए ।

ठक्कर दिने एम्वुलेन्स र चालक सर्लाही वरहथवा नगरपालिका–९ बस्ने ३४ वर्षीय रामविहारी महतोलाई नियन्त्रणमा लिएर अनुसन्धान भईरहेको प्रहरीले जनाएको छ ।