एजेन्सी, २९ माघ । बलिउड निर्देशक तथा अभिनेत्री रवीना टण्डनलाई पितृशोक परेको छ ।

उनका बुवा रवि टण्डनको शुक्रबार निधन भएको हो ।

उनको ८७ वर्षको उमेरमा निधन भएको हो । विगत केही वर्षदेखि उनी श्वासप्रश्वाससम्बन्धी समस्याबाट ग्रसित थिए ।

रवीना टण्डनले सामाजिक सञ्जालमा बुवाको तस्बिर शेयर गर्दै लेखेकी छिन्, ‘तपाईं सधैं मेरो साथमा हुनु हुनेछ, म तपाईंलाई जान दिने छैन । लभ यु पापा ।’

रविको निधनमा अभिनेत्री जुही चावला, चंकी पांडेय, नम्रता शिरोडकर, शिल्पा शेट्टी, सोनु सुदलगायतका स्टारहरूले श्रद्धान्जली व्यक्त गरेका छन् ।

टण्डन सत्तरी र असीको दशकमा बलिउडमा सक्रिय थिए । उनले अन्होनी, नजराना, मजबूर, जिंदगी, खेल खेल मेजस्ता चलचित्रको निर्देशन गरेका छन् ।