काठमाडौं, २८ माघ । नेपाली चलचित्र ‘कठपुतली’ पुनः दर्शकमाझ आउने भएको छ । सरकारले आगामी फागुन १ गतेबाट सिनेमाहल खोल्न अनुमति दिएसँगै कठपुतली दर्शकमाझ आउन लागेको हो ।

चलचित्र गत १६ पुसमा सार्वजनिक भएको थियो । तेस्रो सातामा प्रदर्शन भइरहेको बेलामा कोरोना संक्रमण बढेपछि सरकारले हल बन्द गर्दा प्रदर्शन रोकिएको हो ।

हरर जनरामा बनेको चलचित्रमा मिथिला शर्मा, गौरी मल्ल, कर्मा, शिल्पा मास्के, ध्रुव कोइराला लगायतका कलाकारहरूको अभिनय रहेको छ ।

चलचित्रका निर्देशक भीमसेन लामा हुन् भने निर्माता पृथ्वी राना मगर हुन् ।