काठमाडौं, २० माघ । बर्दियामा बस दुर्घटना हुँदा ३५ जना घाइते भएका छन् ।

जिल्लाको बाँसगढी नगरपालिका–३ मा बिहीबार बिहान भएको बस दुर्घटनमा ३५ जना घाइते भएका हुन् । घाइतेमध्ये दुईजनाको अवस्था गम्भीर रहेको प्रहरीले जनाएको छ ।

इलाका प्रहरी कार्यालय मोतीपुरका अनुसार दुर्घटनामा घाइतेमध्ये कालीकोटको त्रिवेणी गाउँपालिका–६ की ११ वर्षीया शीतला उपाध्याय र सान्नी त्रिवेणी गाउँपालिका–७ की ६९ वर्षीया ओमना उपाध्यायको अवस्था गम्भीर रहेको हो ।

कालीकोटबाट महेन्द्रनगरतर्फ जाँदै गरेको ना५ख ५३८२ नम्बरको बस बिहान करिब सवा ३ बजे अनियन्त्रित भएर दुर्घटना हुँदा अन्दाजी १५ मिटर तल खसेको प्रहरीले जनाएको छ ।