रौतहट, १३ माघ । रौतहटमा सवारी दुर्घटनामा परी दुई जना युवकको मृत्यु भएको छ ।

जिल्लाको गरुडा नगरपालिका–४ मा मोटरसाइकल दुर्घटना हुँदा गढीमाई नगरपालिका–८ बस्ने १९ वर्षीय मोहम्मद अलताफ आलम र २४ वर्षीय रवि साहको मृत्यु भएको हो ।

उनीहरु सवार ना ६२ प ३३९९ नम्बरको मोटरसाइकल बुधवार राति अनियन्त्रित भई दुर्घटना भएको थियो ।

दुर्घटनामा गम्भीर घाइते भएका दुवैजनालाई उपचारका लागि अस्पताल लैजादै गर्दा बाटोमै मृत्यु भएको इलाका प्रहरी कार्यालय गरुडाले जनाएको छ ।