सर्लाही, ४ माघ । सर्लाहीमा बस दुर्घटना हुँदा १६ जना यात्रु घाइते भएका छन् ।

पूर्व–पश्चिम लोकमार्ग अन्तर्गत सर्लाहीको हरिवनमा मंगलबार दिउँसो पश्चिमबाट पूर्वतर्फ आईरहेको ना. ५ ख ५०५५ नम्बरको बस हरिवन नगरपालिका–९ नोचामा पल्टिएको हो ।

बसमा यात्रारत १६ जना यात्रु घाईते भएका छन् । जसमध्ये एकजनाको अवस्था गम्भिर रहेको ईलाका प्रहरी कार्यालय हरिवनले जनाएको छ ।

दुर्घटनामा परी सुनसरीको भन्टाबारी नगरपालिका–९ बस्ने ४० वर्षीय अरुण महतो, महोत्तरीको बर्दिबास नगरपालिका–२ बुद्धचोक बस्ने ३६ वर्षीया बिमला सेन्चुरी, सर्लाहीको लालबन्दी नगरपालिका–९ बस्ने ३७ वर्षीया सुधा खड्का र उनको ४ वर्षीय छोरा कृष खड्का, हरिपुर नगरपालिका–२ चिताईन बस्ने ६५ वर्षीय रामपुजन कुमर, उनका ६५ वर्षीया पत्नी रमनी कुमर, रौतहटको चन्द्रपुर नगरपालिका–८ बस्ने २५ वर्षीया निल कुमारी राम, सर्लाहीको लालबन्दी नगरपालिका–११ बस्ने ६० वर्षीया सिलादेवी ठाकुर, रौतहटको राजपुर नगरपालिका–२ बस्ने ४० वर्षीय राजदेव भगत र उनका ११ वर्षीय छोरा रञ्जन कुमार चौरसिया, महोत्तरीको बर्दिबास नगरपालिका–११ बस्ने १९ वर्षीया पुष्पा गौतम, सर्लाहीको बागमती नगरपालिका–१० बस्ने १३ वर्षीया अस्मिता आचार्य, हरिपुर नगरपालिका–५ बस्ने ४८ वर्षीया ठगनीदेवी चौधरी, सोही नगरपालिका– ८ बस्ने ७० वर्षीया असिया देवी चौधरी, रौतहटको गुजरा नगरपालिका–३ बस्ने २४ वर्षीय सयफुरलाई देवान र सर्लाहीको लालबन्दी नगरपालिका–९ बस्ने ३७ वर्षीय सुदिप खड्का घाइते भएका छन् ।

घाईतेहरुको हरिवनस्थित नमूना अस्पताल लगायत विभिन्न स्वास्थ्य केन्द्रमा उपचार भईरहेको छ ।

दुर्घटनाबारे यकिन विवरण संकलनको काम भईरहेको जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक माधवप्रसाद बुढाथोकीले जानकारी दिए ।