सर्लाही, ४ माघ । सर्लाहीमा ट्याक्टर दुर्घटना हुँदा एक युवकको मृत्यु भएको छ ।

गोडैता नगरपालिकामा उखु लोड गरिएको ना ७ त ५६८ नम्बरको ट्याक्टर दुर्घटना हुँदा १८ वर्षीय आसिर मंसुरको मृत्यु भएको प्रहरीले जनाएको छ ।

दुर्घटनामा परी गम्भीर घाइते भएका सोही ट्याक्टरका चालक मंसुरको उपचारका लागि मलंगवा अस्पतालतर्फ लैजाँदै गर्दा बाटोमै मृत्यु भएको हो ।

प्रहरीले मृतकको शव पोस्टमार्टम गरी परिवारलाई बुझाइसेकेको छ ।