एजेन्सी, २३ पुस । अजय देवगन र तबू अभिनित फिल्म ‘दृश्यम’ को सिक्वेल ‘दृश्यम २’ लाई लिएर दर्शकहरु निकै उत्सुक छन् ।

‘दृश्यम २’ को रिमेकका लागि निर्माता कुमार मंगतले राइट्स खरिद गरिसकेका छन् । राइट्स लिनेको लागि उनले ठूलो रकम समेत खर्चेका छन् ।

तर फिल्म सुटिङमा नजाँदै विवादमा परेको छ जसले दर्शकलाई निराश बनाएको छ ।

‘दृश्यम २’ को निर्देशन निर्माता कुमार मंगतका छोरा अभिषेकले गर्ने जनाइएको छ । तर निर्माताहरूबीच आपसमा विवाद हुँदा फिल्मको सुटिङ रोकिन पुगेको छ ।

सन् २०२१ को अन्तबाट ‘दृश्यम २’ को सुटिङ सुरु गर्ने निर्माताको योजना थियो । २०२२ मा फिल्म रिलिज गर्ने योजना बनाइएको थियो ।

दृश्यम कुमार मंगतले भायकम मोसन पिक्चर्ससँग मिलेर बनाएका थिए । अहिले आफ्नो सहभागिता विना ‘दृश्यम २’ बनाउन लागेकोमा भायकमले आपत्ति जनाएको छ ।

कुमार मंगत र भायकमको यही विवादले गर्दा अहिले फिल्मको सुटिङ नै रोकिएको छ ।