काठमाडौं, २३ पुस । इण्डियन आइडल पवनदीप राजन नेपाल आउने भएका छन् । आगामी १ माघमा ठमेलको ‘एलओडी’ क्लबमा हुने कार्यक्रमका लागि उनी नेपाल आउन लागेका हुन् ।

पनवदीप १२ औं संस्करणको इण्डियन आइडल विजेता हुन् । आयोजकका अनुसार कोभिडले थलिएको ठमेललाई सांगीतिक माहोलले तताउन आफूहरूले पवनदीपलाई नेपाल ल्याइन लागिएको हो ।

बाह्य पर्यटकको आगमन नभए पनि आन्तरिक पर्यटकले ठमेल धानिरहेको भन्दै क्लबका निर्देशक रविन श्रेष्ठले पछिल्लो मुलुकमा निषेधाज्ञा खुकुलो भएपछि रात्रिकालीन समयमा रमाउने मानिसको भीड बढ्दै गइरहेको बताए ।