एजेन्सी, २० पुस । बलिउड अभिनेता फरहान अख्तर र शिबानी दान्डेकर लामो समयदेखि डेट गरिरहेका छन् । उनीहरुलाई बलिउड उद्योगको सबैभन्दा कूल कपलको रुपमा चित्रण गरिदैं आइएको छ ।

दुवै जनाले आफ्नो प्रेम सम्बन्धलाई लिएर खुलेरै कुरा गर्दै आएका छन् । दुवै जनाको सामाजिक सञ्जालमा फ्यान फलोइङ पनि लोभलाग्दो छ ।

धेरै फ्यानहरूले उनीहरुलाई लामो समयदेखि विवाह बन्धनमा बाँधिन अनुरोध गर्दै आएका थिए । अब भने उनीहरुले फ्यानको इच्छा पुरा गर्ने भएका छन् । उनीहरुले विवाह गर्ने निर्णय गरेका छन् ।

बलिउड लाइफको एक रिपोर्ट अनुसार यसै वर्षको मार्च महिनामा उनीहरुले विवाह गर्ने योजना बनाएका छन् । कोरोना माहामारीका कारण विवाहमा एकदमै थोरै तर नजिकका व्यक्तिलाई बोलाउने उनीहरुको योजना रहेको छ ।