अभिनेता नवाजुद्दीनले अभिनेत्री कंगनाको खुलेर गरे प्रशंसा

एजेन्सी, १६ पुस । बलिउड अभिनेता नवाजुद्दीन सिद्दीकीले बलिउडमा सधैं विवादमा आइरहने अभिनेत्री कंगना रनौटको खुलेर प्रशंसा गरेका छन् ।
उनले कंगनालाई अत्यन्त राम्रो निर्माता भनेपछि बलिउडमा यसले निकै चर्चा पाएको पनि छ ।
एक पत्रकार सम्मेलनमा सिद्दीकीले यस्तो बताएका हुन् । उनले कंगनाको काम गर्ने शैली र तरिका, उनले फिल्मलाई दिएको नयाँ पनको प्रशंसा गरेका थिए ।
सिद्दीकीले यसअघि टिकु वेड्स शेरु नामको फिल्ममा कंगनाको प्रोडक्सन हाउससँग काम गरेका थिए । त्यसो त फिल्म मणिकर्णिकामा पनि नवाजुद्दीनले काम गरेका थिए । यो फिल्म पनि कंगनाको ब्यानरले बनाएको थियो ।
यसअघि पनि बारम्बार कंगनालाई नवाजुद्दीनले तारिफ गर्दै आएका छन् । जब जब कंगनाको यस्तो तारिफ हुन्छ, यसबारे बलिउडमा चाहिँ निकै ठूलो चर्चा भइहाल्छ । किनकि उनलाई बलिउडकी कन्ट्रोभर्सी क्विनसमेत भनिन्छ ।

